Liebi Schindgräbler,

Im Namme vo allne Eere- und Freimitglieder laade mir
Zem ene unzwungene Zämmesy am Fasnachtszyschtig y,
Um s 80-Jäärige Jubeljoor vo unserer Schindgrabe Clique z fiire.

Mir wurde gärn e scheene Schindgrabe-Jubiläumszug durch
Unseri scheeni Stadt mit dr ganze Schindgrabe-Familie zämme mache.

Me kunnt mit eme Schindgrabegoschdyym zem Dräffpunggt,
Bringt gueti Luune mit und stoot in Jubiläumszug y!
Denn laufe mir (Waage deerfe nym faare am Zyschtig)
E scheeni Route durch d Stadt, schnappe dr eint odr andr drzwüsche und
Zem Abschluss geen mir zämme in dr Osteria go Znachtässe!

Mir wäre froh, wenn ihr Eych bis am 01. Februar, 2026
wurdet amäälde für dr Jubelzug mit odr ohni Nachtässe.
Drmit s gnueg Platz het in dr Baiz!

Mir hoffe, Ihr findet das au e tolli Idee und sind drby!

Eyre Eere-Obmaa