Autor: schindgrabe

  • Kei Aggtivi Fasnacht 2026

    Vili häns befürchtet, einigi häns versuecht z‘verhindere, ich verkünd s Euch do uf däm Wäg:

    Uffgrund vo dütlig z wenig Aktive inkl. Kinder macht d Schindgrabe-Clique an dr Fasnacht 2026 ä Marschhalt.

    Dr Blatz uff dr Route im 2027 und an dr Waageusstellig uf dr Kasärne isch uns sicher.

    Ebeso wärde mir während dr Fasnacht am Mäntig- und am Mittwuchnomitaag e kleins Apéro ufem Wettstei vor dr Ressliriitti organisiere. Details folge wie gwohnt in de Vorfasnachtsinformatione.

    Falls einigi vo Euch jetzt total verunsicheret sin: Jä, dr Bummel und d GV im 2026 wärde -wie bekannt geh- an de entsprächende Date duregfiehrt.

    Mir sin scho flissig am aquiriere fürd Fasnacht 2027, dr Toni het unter anderem d’Homepage neu gstaltet. Mehr Infos drzue wie gseit im Internet inne.

    Ich dank Euch für Euri Treui und Unterstützig.

    Eure Obmaa Thomas

  • Suechi nach neue Schindgräbler für d’Fasnacht 2027

    🎭 Lust uf Fasnacht mit dr Familie? 🎭


    D’ Schindgrabe-Clique gits scho sit 1946 – und mir sin jedes Joor mit em Waage an dr Basler Fasnacht drby!
    Sit zwei Joor dörfe au Familie mit Kind mitmache – und das isch e Rieseplausch! 🤩
    Mir sueche neui Mitglider mit Kind ab ca. 7 Joor, wo Lust hän, bim Wagebaue (ab Oktober immer am Samschtig in Prattele) und an dr Fasnacht volles Programm derbi z’si.

    Wenn das öppis für di isch, denn meld di bi uns!

    info@schindgrabe-clique.ch

    Oder lueg uf unseri Socials vrby:

    Instagram

    Facebook

    Dieses Bild hat ein leeres Alt-Attribut. Der Dateiname ist fasnacht25-1024x548.jpg